Не толькі ў Беларусі: КамАЗ ў чэрвені будзе працаваць усяго 7 дзён

КамАЗ ў чэрвені 2015 года будзе выпускаць аўтамабілі на працягу сямі рабочых дзён замест запланаваных 12 з-за далейшага падзення на рынку грузавой тэхнікі.



“У чэрвені рынак чакае ад нас пэўнай колькасці аўтамабіляў, і для выканання гэтай замовы спатрэбіцца ўсяго толькі сем рабочых дзён. Таму падпісаны адпаведны дакумент, у якім адміністрацыя прадпрыемства ў пэўныя дні абвясціла вымушаны прастой без прысутнасці на працоўных месцах з аплатай у памеры 2/3 сярэдняй заработнай платы”, — паведаміў намеснік гендырэктара КамАЗа па персаналу і арганізацыйнаму развіццю Аляксандр Ушэнін.

Усяго, на часовыя работы да канца лета пераводзіцца 16,5 тыс. супрацоўнікаў прадпрыемства, паведамляе Прайм са спасылкай на карпаратыўнае выданне прадпрыемства.

Продажы КамАЗа на расійскім рынку грузавых аўтамабіляў поўнай масай 14-40 тон за студзень-красавіку 2015 года склалі 5.000 штук (мінус 49% да аналагічнага перыяду мінулага года). Доля кампаніі на расійскім рынку па выніках чатырох месяцаў — 54% (супраць 41% у аналагічным перыядзе мінулага года).

Нагадаем, ужо некалькі год ідзе размова пра тое, каб аб’яднаць у адзін холдынг расійскі КамАЗ і беларускі МАЗ. Апошнім часам гэтыя перамовы зайшлі ў тупік.

Доля беларускіх прадпрыемстваў, якія знаходзяцца ў прастоі і працуюць няпоўны рабочы тыдзень, па меркаванні экспертаў, складае 80%.