Пад Адэсай у час шторму перакуліўся прагулачны карабель — 14 чалавек загінулі
17 кастрычніка каля Затокі (недалёка ад Адэсы) перакуліўся прагулачны карабель «Івалга». На борце было 36 чалавек, з іх 14 — патанулі.
Па факце аварыі міліцыя пачала крымінальную вытворчасць па частцы 3 артыкула 276 Крымінальнага кодэкса Украіны — парушэнне правілаў бяспекі руху або эксплуатацыі чыгуначнага, воднага або паветранага транспарту.
Па папярэдніх дадзеных прычынай аварыі стала перагрузка судна.
"Быў вялікі шторм, мы ўжо вярталіся ў порт і ён проста перакуліўся," — распавялі людзі, якія змаглі выратавацца.
Капітан "Івалгі" затрыманы.
18 кастрычніка ў Адэскай вобласці аб'яўлены дзень жалобы.
Паводле УНІАН