Расія можа вярнуцца ў G7

Японскае выданне Kyodo паведамляе, што ўдзельнікі саміту Вялікай сямёркі ў Францыі абмеркавалі вяртанне Расіі ў G7.

Выданне таксама адзначае, што бакі дамовіліся пра тое, што дэталі перамоў «ніколі не будуць раскрытыя».
Таксама ў першы дзень саміту абмяркоўвалася патэнцыйная магчымасць Ірана стварыць ядзерную зброю.
20 жніўня прэзідэнт ЗША Дональд Трамп заявіў, што «абавязкова» падтрымаў бы вяртанне Расіі ў G7. Трамп заявіў, што прэзідэнта Расіі Уладзіміра Пуціна напэўна запросяць на наступную сустрэчу вялікай сямёркі ў якасці госця, паведамляе Bloomberg.
«Дональд Трамп заявіў журналістам, што «безумоўна магчыма», што ён запросіць Уладзіміра Пуціна ў якасці госця саміту вялікай сямёркі ў наступным годзе», — кажа выданне.
nn.by