СМІ: Лондан можа апублікаваць спіс неўяздных асоб з-за "справы Літвіненкі"

Афіцыйны Лондан можа апублікаваць спіс асобаў, якім па выніках расследавання гібелі расіяніна Аляксандра Літвіненкі будзе адмоўлена ў праве на ўезд у каралеўства. Пра гэта 23 студзеня піша Росбалт са спасылкай на The Guardian.



Куратар антыкарупцыйнай праграмы ва ўрадзе Вялікабрытаніі Эрык Піклз зараз асабіста вывучае гэтую магчымасць.

Чыноўніку трэба будзе прадставіць міністрам сваё заключэнне.

Абнародаванне "чорнага" спісу дазволіць грамадскасці даведацца, каму і па якой прычыне забаронены ўезд у краіну. Акрамя таго, адзначае выданне, гэтая мера можа расійскіх дысідэнтаў у краіне, якія асцерагаюцца забойства па палітычных матывах.

Ініцыятыва можа быць прадстаўлена яшчэ да траўня, на які запланавана міжнародная канферэнцыя па барацьбе з карупцыяй, гаворыцца ў матэрыяле.

Раней кіраўнік брытанскага ўрада Дэвід Кэмеран выступіў з рэзкай заявай з нагоды вынікаў расследавання забойства экс-супрацоўніка расійскага ФСБ Аляксандра Літвіненкі і заявіў, што Вялікабрытанія будзе вымушана даць больш жорсткі адказ Расіі пасля таго, як расследаванне паказала дачыненне Уладзіміра Пуціна да гэтага забойства.

Нагадаем, 21 студзеня лонданскі суд устанавіў, што Дзмітрый Коўтун і Андрэй Лугавы з'яўляліся магчымымі выканаўцамі забойства Літвіненкі. У сваю чаргу ў Расіі заявілі, што не будуць выдаваць Вялікабрытаніі Лугавога і Коўтуна.

Паводле: kasparov.ru