Трамп адмовіўся ад стварэння кіберструктуры сумеснай з Расіяй

Замежжа

Прэзідэнт ЗША Дональд Трамп у твітэры заявіў, што пытанне аб стварэнні сумеснага падраздзялення ў сферы кібербяспекі, якое было ўзнятае на сустрэчы з Уладзімірам Пуціным, яшчэ не значыць, што так менавіта і адбудзецца. 

cceec4d1_fcfc_46e5_81c7_142bd8771576_w1023_r1_s.jpg
Той факт, што прэзідэнт Пуцін і я абмяркоўвалі (стварэнне) падраздзялення ў сферы кібербяспекі, не значыць, што я лічу, што так можа адбыцца. Гэтага адбыцца не можа, але замірэнне (у Сірыі) — можа і ўжо адбылося! — крыху блытана ў сваёй манеры патлымачыў прэзідэнт ЗША.


Напярэдадні Трамп распавёў, што падчас перамоваў з Пуціным у Гамбургу «двойчы націснуў» на яго цягам абмеркавання мяркуемага ўмяшальніцтва расійскага боку ў амерыканскія выбары. Па словах Трампа, яны таксама абмяркоўвалі фармаванне «падраздзялення па кібербяспецы», якое б займалася, у прыватнасці, такімі пытаннямі як умяшальніцтва ў выбары. 
Паводле Reuters, калегі Трампа па Рэспубліканскай партыі раскрытыкавалі гэтую ідэю. 
Раней, 7 ліпеня ў рамках саміта G20 адбылася першая сустрэча прэзідэнта РФ Пуціна і амерыканскага лідэра. Яна мела працягласць 2 гадзіны 20 хвілін. Пуцін паведаміў, што абмяркоўваў з Трампам сітуацыю ва Украіне і ў Сірыі, барацьбу з тэрарызмам і кібербяспеку, піша «Новая Газета».