Трамп цяпер — першы прэзідэнт ЗША, якому імпічмент абвясцілі двойчы

Палата прадстаўнікоў Кангрэсу ЗША прагаласавала за імпічмент Дональду Трампу. Ён стаў першым прэзідэнтам у гісторыі ЗША, якому імпічмент абвясцілі двойчы. Цяперашняга дзеючага кіраўніка дзяржавы абвінавачваюць у падбухторванні да паўстання.

У Злучаных Штатах Амерыкі кангрэсмены Палаты прадстаўнікоў у сераду, 13 студзеня, прагаласавалі за абвяшчэнне імпічменту прэзідэнту Дональду Трампу.

Артыкул абвінавачвання, які змяшчаецца ў прынятым ніжняй палатай дакуменце, адзін — падбухторванне да паўстання. Перад пачаткам пасяджэння выступіла спікер Палаты прадстаўнікоў Нэнсі Пэласі, якая абвінаваціла Трампа ў тым, што ён адправіў захопнікаў у Капітолій з заклікам "біцца з усіх сіл".

Такім чынам, Трамп стаў першым прэзідэнтам у гісторыі ЗША, супраць якога была двойчы распачатаю працэдура імпічмента.

Цяпер абвінаваўчае заключэнне павінна быць перададзена ў Сенат, дзе працэдура ператворыцца ў судовы працэс.

Аднак амерыканскі Сенат не будзе збірацца да 19 студзеня. Пры гэтым 20 студзеня ўжо адбудзецца інаўгурацыя абранага прэзідэнта Джозэфа Байдэна.

Паводле euronews.com, korrespondent.net