Трэція ўгодкі: ва Украіне ўшаноўваюць загінулых на Майдане Герояў Нябеснай Сотні (фота)
Тры гады таму на Майдане ў Кіеве ў выніку сутыкненняў загінулі 73 мірных жыхара і 11 праваахоўнікаў. Тады цалкам згарэў дом Прафсаюзаў, а сталічны метрапалітэн спыніўся. Усяго пацярпела больш за 600 чалавек.
Ва Украіне, згодна з указам прэзідэнта «Аб ўшаноўванні подзвігу ўдзельнікаў Рэвалюцыі годнасці і ўшанавання памяці Герояў Нябеснай сотні», 20 лютага адзначаецца Дзень Герояў Нябеснай сотні. У Кіеве на працягу 18-22 лютага адбудзецца шэраг масавых мерапрыемстваў, у перыяд іх правядзення ў горадзе абвешчаны павышаны ўзровень тэрарыстычнай пагрозы, паліцыя і ратавальнікі пераведзены на ўзмоцнены варыянт нясення службы, паведамляе unian.
Для забеспячэння гатоўнасці падраздзяленняў службы НС да дзеянняў у выпадку ўзнікнення надзвычайных сітуацый, пажараў і небяспечных падзей да дзяжурства будзе прыцягнута каля 7 тыс. чалавек асабовага складу і 2 тыс. адзінак тэхнікі. У цэнтры Кіева ўсталяваны металічныя рамкі і металашукальнікі, а на ўездах у горада фільтрацыйныя блокпосты.
Раніцай 18 лютага ў Кіеве адбылося памятнае шэсце па ўшанаванні загінулых на Майдане па месцах сутыкненняў ад Украінскага дома да вул. Інстытуцкай, якое завершылася паніхідай ды ўскладаннем кветак да Мемарыялу на вул. Інстытуцкай.
Як паведамляе «Інтерфакс-Україна», у мерапрыемстве ўзялі ўдзел каля 500 чалавек.