Туркменістан. Назарбаеў па-ранейшаму прэзідэнт

У Туркменістане палічылі за лепшае не заўважыць падзеі ў Казахстане.

Калаж sm-news.ru

Калаж sm-news.ru

Дзяржаўныя СМІ Туркменістана (больш за 60 друкаваных выданняў, 7 тэлеканалаў і 4 радыёстанцыі) не прысвяцілі ніводнага матэрыялу сыходу Назарбаева.

Замест гэтага дзяржаўныя медыя апублікавалі поўныя тэксты святочных віншаванняў з Наўрузам на адрас прэзідэнта Бердымухамедава ад кіраўнікоў розных дзяржаў.

Верагодна, мясцовыя эліты асцерагаюцца ўзнікнення ў насельніцтва нязручных аналогій у вельмі цяжкі для краіны час. Апошнімі гадамі эканамічнае становішча краіны сур’ёзна пагоршылася з-за праблем з экспартам газу — асноўнай крыніцы даходаў бюджэту. З вясны 2018 года з-за дэфіцыту хлеба ў туркменскіх крамах прозвішчы пакупнікоў запісваюцца ў спецыяльныя кнігі, і людзі атрымліваюць не больш як два боханы на рукі. Аналагічная сітуацыя, паводле сведчанняў відавочцаў, назіраецца і з іншымі жыццёва важнымі прадуктамі.

Зрэшты, не выключана, што ў Ашхабадзе палічылі: адстаўка Назарбаева — не вартая ўвагі, у адрозненне ад шматлікіх «поспехаў» Гурбангулы Бердымухамедава.

Паводле туркменскай прэсы