У Маскве сарваны паказ фільма пра вайну ва Украіне

У кінатэатр "Кастрычнік" падчас паказу фільма "Палёт кулі" ўварваліся каля 50 прыхільнікаў прарасійскіх сепаратыстаў. Адзін з іх абліў экран мачой. Супрацоўнікі АМАПу вывелі гледачоў з залы і выклікалі падмацаванне.

У нядзелю ў маскоўскім кінатэатры "Кастрычнік" людзі ў камуфляжных касцюмах з нашыўкамі "Новороссіі" і адпаведнымі сцягамі і члены радыкальнага руху SERB сарвалі паказ дакументальнага фільма "Палёт кулі" пра вайну ва Украіне.
У самым пачатку паказу ў 12.30 гэтыя людзі ўбеглі ў кіназалу і з крыкамі "Ганьба бандэраўцам!", "Спыніце паказ фільма супраць рускіх!" спрабавалі спыніць паказ карціны. Іх вывелі супрацоўнікі паліцыі. У зале было каля 200 гледачоў.
Праз некаторы час людзі ў камуфляжы і радыкалы з SERB зноў уварваліся ў залу. Адзін з іх у чырвонай шапцы з надпісам SERB абліў экран пахучай вадкасцю, па паху падобную на пратухлую мачу. Да гэтага моманту на дапамогу паліцыі прыехалі супрацоўнікі АМАПу, якія сілай выгналі хуліганаў з залы.
Пасля таго, як адзін з актывістаў абліў экран мочой, па зале пачаў распаўсюджвацца смурод, і многія гледачы пачалі выходзіць самі. Праз 10 хвілін паліцыя прыняла рашэнне эвакуіраваць гледачоў з меркаванняў бяспекі. Залу ахоўвалі некалькі дзясяткаў супрацоўнікаў АМАПа ў касках і масках, яны арганізавалі калідор для эвакуіраваных гледачоў. Хуліганы крычалі ім услед "Ганьба" і абразлівыя выказванні.
Пасля эвакуацыі некаторы час у кіназалы працягвалі стаяць людзі ў камуфляжы і спрачацца з гледачамі. Ад хуліганаў выразна даносіўся пах алкаголю. 
Каля будынка кінатэатра дзяжурыў адзін аўтазак. Аднак пасля заканчэння бойкі ён з'ехаў амаль пустым.
Гэта ўжо не першы візіт прыхільнікаў прарасійскіх сепаратыстаў у кінатэатр "Кастрычнік", дзе фільм паказваюць у рамках фестывалю "АРТДОКФЕСТ". У суботу яны ўжо прыходзілі на паказ "Палёту кулі" і заявілі, што на наступным паказе ў арганізатараў будуць "сур'ёзныя праблемы".
Відэазапіс іх размовы з прэзідэнтам фестывалю Віталём Манскім апублікавала ў "Фэйсбуку" рэжысёр фільма Беата Бубянец.
Раней кінасетка "Каро" адмяніла паказ дакументальнага фільма пра лідара крымскіх татараў Мустафу Джамілева ў рамках "АРТДОКФЕСТ". Па словах Манскага, у "Каро" далі зразумець, што патрабаванне зняць карціну з паказу паступіла зверху.
Паводле BBC