У Расіі могуць забараніць сэрвіс Booking.com

Растурызму прапанавалі "разгледзець прапанову па забароне дзейнасці Booking.com" у Расіі.



У Растурызм паступіў ліст ад дэпартамента турызму і рэгіянальнай палітыкі Мінкультуры з даручэннем "разгледзець прапанову па забароне дзейнасці Booking.com" у Расіі.

Прадстаўнік Растурызму заявіў, што патрабуецца меркаванне "профільных прафесійных грамадскіх аб'яднанняў адносна названай прапановы, у сувязі з чым у іх адрас будзе ў аператыўным рэжыме накіраваны адпаведны запыт".

Раней кіраўнік буйной тураператарскай кампаніі па ўнутраным і ўязным турызме Сяргей Вайтовіч прапанаваў забараніць Booking.com, паведамляюць vesti.ru

 У адкрытым лісце ў адрас Міністэрства культуры Вайтовіч адзначыў, што "ільвіная доля індывідуальных броняў", а гэта больш за 70 працэнтаў, "кантралюецца амерыканскай карпарацыяй, якая атрымлівае магчымасць захоўваць і аналізаваць дадзеныя пра турыстаў".

Ён нагадаў, што сэрвіс не мае турыстычнай ліцэнзіі ў Расіі.

Паводле zviazda.by