У Вільні адкрылася вулічная выстава да стагоддзя БНР

У віленскім Зарэччы на вуліцы Malūnų адкрылася выстава «За Нашы і Вашы — 100!». Пра гэта паведамляе Радыё Свабода. 

На ёй дэманструюцца фатаздымкі Уладзімера Сапагова са святкавання 80-х угодкаў Беларускай Народнай Рэспублікі ў Мінску.
Па-над выставай лунае бел-чырвона-белы сцяг і сцяг Рэспублікі Зарэчча.
Літоўцы, як і беларусы, адзначаюць сёлета 100-годдзе абвяшчэння незалежнасці.