У Вялікабрытаніі можа з'явіцца новы прэм'ер

Сёння ўвечары прэм'ер-міністр Борыс Джонсан сутыкаецца з вотумам недаверу свайму кіраўніцтву пасля таго, як шэраг дэпутатаў-кансерватараў перадалі лісты, у якіх гаворыцца, што яны больш не жадаюць, каб ён працягваў сваю дзейнасць на пасадзе старшыні ўраду
Чаму адбываецца вотум даверу?
Ціск на прэм'ера Джонсана ўзрос з таго часу, як падрабязнасці вечарынак з парушэннем правілаў Covid на Даўнінг-стрыт былі асветленыя ў дакладзе старэйшага дзяржаўнага служачага Сью Грэй. Пасля гэтага шэраг дэпутатаў торы заклікалі Джонсана сысці ў адстаўку.

Каб ініцыяваць галасаванне, не менш за 15% дзеючых дэпутатаў павінны напісаць ліст аб тым, што яны больш не давяраюць свайму лідару.

Улічваючы, што зараз у парламенце налічваецца 359 дэпутатаў-кансерватараў, атрымліваецца 54 дэпутаты павінны былі напісаць адпаведны ліст.

Як працуе вотум недаверу?
Дэпутаты торы будуць галасаваць тайным галасаваннем.

Каб перамагчы, Борыс Джонсан павінны атрымаць простую большасць галасоў.

Калі выказаць здагадку, што кожны дэпутат ад кансерватараў галасуе і ніхто не ўстрымаецца, Джонсану спатрэбіцца 180 галасоў (палова яго дэпутатаў плюс адзін).

Калі спадар Джонсан прайграе, пачнецца спаборніцтва за лідэрства, у якім яму не дазволяць удзельнічаць.
Калі ён пераможа, дэпутатам торы не будзе дазволена правесці чарговы вотум недаверу на працягу года, згодна з дзеючымі правіламі.

Таксама магчыма, калі б Джонсан перамог з перавагай  усяго ў некалькі галасоў, гэта магло б пераканаць яго двойчы падумаць, ці дастаткова ў яго падтрымкі ў парламенце.

Папярэдніца Джонсана, Тэрэза Мэй, атрымала вынік вотума недаверу з паказчыкамі 200 «супраць» і 117 галасоў «за» ў снежні 2018 года. Аднак праз паўгода яна абвясціла аб сваёй адстаўцы.

Будзем сачыць за галасаваннем у Лондане.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: