У Маскве-рацэ паблізу месца забойства Нямцова знайшлі два пісталеты

На дне Масквы-ракі блізу Вялікага Замаскварэцкага маста, на якім быў застрэлены палітык Барыс Нямцоў, знойдзеныя два пісталеты, аднак адзін з іх дакладна не з'яўляецца прыладай забойства, па другім вынікаў балістычнай экспертызы пакуль няма.



"Вадалазы скрупулёзна і штодня абследуюць дно Масквы-ракі ў ваколіцах Вялікага Замаскварэцкага маста", — распавяла "Інтэрфаксу" крыніца, знаёмая з ходам расследавання.

Знойдзена ўжо два  пісталеты. "Аднак балістычная экспертыза паказала, што першы не з'яўляецца прыладай забойства, па другім пісталеце экспертнае заключэнне пакуль не гатовае", — сказала крыніца.

Расійскі апазіцыйны палітык Барыс Нямцоў быў забіты позна увечары 27 лютага недалёка ад Чырвонай плошчы на ​​Вялікім Маскварэцкім мосце.

Як паведамлялася, у следства ёсць двое абвінавачаных — Заур Дадаеў і Анзор Губашоў, а таксама трое падазраваных — Хамзат Бахаеў, Тамерлан Эскерханаў і Шадзід Губашоў. Двум першым прад'яўлена абвінавачванне ў арганізаваным забойстве (частка 2 артыкула 105 КК РФ) і незаконным захоўванні зброі (частка 2 артыкула 222 КК РФ).