Украіна напярэдадні расійска-беларускіх вучэнняў узмацніла бяспеку на мяжы з Беларуссю

Дзяржаўная памежная служба Украіны 13 верасня заявіла аб узмацненні захадаў бяспекі на ўкраінска-беларускай мяжы.

Пра гэта паведамляе ўкраінская служба Свабоды, дадаючы, што памежнікі назвалі сітуацыю на ўкраінска-беларускай мяжы «кантраляванай і стабільнай».
У Беларусі з 14 па 25 верасня пройдуць расійска-беларускія вайсковыя вучэнні «Славянскае братэрства». Захады па ўзмацненні бяспекі робяцца перадусім дзеля прадухілення «правакацыяў, нестандартных сітуацыяў», кажуць украінскія памежнікі.
Працягласць украінска-беларускай мяжы — больш за 1 тысячу кіламетраў.