Украіна не плануе ваенным шляхам вяртаць Данбас

Прэзідэнт Украіны Пятро Парашэнка заявіў, што Украіна не плануе ваенным шляхам вяртаць пад свой кантроль тэрыторыі на ўсходзе краіны, кантраляваныя сепаратыстамі, якіх падтрымлівае Расія, піша «Радыё Свабода».


Выступаючы ў Харкаве, Парашэнка падкрэсліў, што наступ на пазіцыі сепаратыстаў у Данецкай і Луганскай абласцях мог бы прывесці да буйнамаштабнага канфлікту з Расіяй.

Акрамя таго, як выказаўся прэзідэнт, «Украіна — не Расія», і таму не дапусціць штурму Данецка, падобнага да штурму Грознага падчас вайны ў Чачні.

Паводле Парашэнкі, больш як 60 працэнтаў грамадзянаў Украіны выступае за палітыка-дыпламатычнае вырашэнне канфлікту ў Данбасе, і ён прытрымліваецца той жа пазіцыі.

Украіна падтрымлівае ідэю ўводу ў кантраляваныя сепаратыстамі раёны міжнародных міратворчых сіл.

Узброены канфлікт у Данбасе пачаўся ў 2014 годзе і забраў больш як 10 тысяч жыццяў. Украіна абвінавачвае Расію ў падтрымцы сепаратыстаў, у тым ліку і вайсковай, Масква адмаўляе ўдзел расійскай арміі ў канфлікце.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: