Украіна. З-за пагромаў майданаўцаў распачалі крымінальныя справы
Паліцыя расследуе пагромы цэнтры Кіева — офіса па вуліцы Вялікай Васількоўскай і Ашчадбанка Расіі.
Па фактах наўмыснага пашкоджання маёмасці і хуліганства ўдзельнікамі Веча з Майдана, праваахоўнікі распачалі крымінальныя вытворчасці, паведамляецца на сайце ўкраінскай паліцыі.
Напярэдадні майданаўцы разграмілі офіс у цэнтры Кіева, сцвярджаючы, што ён належыць лідару “Украінскага выбару”, куму Уладзіміра Пуціна Віктару Медведчуку. Акрамя таго, пратэстоўцы разбілі вокны ў Ашчадбанку Расіі.
У паліцыі паведамілі, што офіс і банкаўская аддзяленне пашкоджаны. У офісных памяшканнях па вуліцы Вялікай Васількоўскай выбітае шкло і пашкоджана маёмасць.
Праваахоўнікі таксама канфіскавалі адтуль прадмет, падобны на дымавую шашку. Такія ж разбурэння зафіксавалі ў аддзяленні банка па вуліцы Пушкінскай. Нагадаем, учора ўвечары пратэстоўцы разбілі вітрыны, выламалі ўваходныя дзверы ў Ашчадбанку Расіі на плошчы Льва Талстога . Пасля частка мітынгоўцаў зайшла ў будынак, і там таксама пачала ўсё руйнаваць. Праз 10 хвілін на месца прыбылі праваахоўнікі, якія ўгаманілі і вывелі пратэстуючых на вуліцу.
Па гэтых фактах адкрыты крымінальныя справы.
Паліцыя таксама паведаміла аб пацярпелай студэнтцы. 21-гадовая дзяўчына з Адэсы хацела засняць малойчыкаў у балаклавах, калі яны ўварваліся ў памяшканні Ашчадбанка, аднак страціла раўнавагу і звалілася з парапета ў падземны пераход. Дзяўчыну шпіталізавалі.
Паводле Корреспондент.net