Ва Украіне будзе аб'яўленая частковая мабілізацыя

Вярхоўная Рада Украіны падтрымала ўказ прэзідэнта Пятра Парашэнкі аб частковай мабілізацыі.



Неабходнасць частковай мабілізацыі абумоўленая распаўсюджваннем праяваў тэрарызму на тэрыторыі Украіны, якія прыводзяць да гібелі мірнага насельніцтва, вайскоўцаў і супрацоўнікаў ваенных фарміраванняў і праваахоўных органаў Украіны ва ўсходніх рэгіёнах дзяржавы, канцэнтрацыяй груповак войскаў (сіл) са значным наступальных патэнцыялам на тэрыторыі РФ побач з дзяржмяжою Украіны, пагрозаю нападу, небяспекаю для незалежнасці Украіны, паведамляе "Украінская праўда".

Мабілізацыя праводзіцца на працягу 45 сутак з дня ўступлення ў сілу названага Указа.

"Цяпер у гэтай хвалі мабілізацыі самы вялікі акцэнт будзе рабіцца на пастаўкі і забеспячэнне фронту", - сказаў сакратар СНБА Парубій.

Указам ствараюцца дадатковыя ўмовы для даўкамплектавання патрэбаў Узброеных Сіл, Нацгвардыі, СБУ, Дзяржаўнай памежнай службы, Дзяржаўнай спецыяльнай службы транспарту, іншых ваенных фарміраванняў Украіны ваеннаабавязанымі і рэзервiстамi ў адпаведнасцi з мабiлiзацыйнымi планамі.

Па словах Парубія, набіраюцца людзі, якія прайшлі падрыхтоўку ва узброеных сілах Украіны, людзі маюць досвед вядзення службы, афіцэры ў адстаўцы. Набіраюцца выключна на тыя спецыяльнасці, якія неабходныя для той ці іншай часткі.

Адказваючы на пытанне аб тым, ці магчымы адпачынак для тых, хто ўжо з сакавіка мабілізаваны, Парубій адказаў:

"Ужо сёння Мінабароны распрацавала сістэму адпачынкаў, калі частцы салдат даецца адпачынак, камандзіроўка дадому, як пэўная форма адпачынку і замены для хлопцаў".

Правядзенне мабілізацыі дазволіць зладзіць хоць бы частковую ратацыю для людзей, якія з самага пачатку баявых дзеянняў знаходзяцца на фронце", - дадаў ён.

Парубій таксама паведаміў, што "прэзідэнт даў даручэнне, каб усе сілы мабілізоўваць на столькі, на колькі дзяржава зможа іх забяспечыць абаронай".