Ваенны парад у Вільні да Дня Узброеных Сіл (фотарэпартаж)

У Вільні 25 лістапада прайшоў вялікі вайсковы парад літоўскай арміі з удзелам саюзнікаў па NАТО.

Парад быў прымеркаваны да Дня Узброеных Сіл Літвы. Яго адзначаюць 23 лістапада — у гэты дзень 105 год таму, у 1918 годзе, літоўскі ўрад выдаў указ аб стварэнні войска, — але парад перанеслі на бліжэйшы выходны дзень. 

У парадзе, які прайшоў апоўдні на праспекце Канстытуцыі, прымалі ўдзел каля 1400 вайскоўцаў, як літоўскіх, так і з іншых краін NАТО, і кала 100 адзінак вайсковай тэхнікі. 

Можна было пабачыць шмат узбраенняў, якія сталі, на жаль, вельмі добра знаёмымі па зводках з Украіны: танкі «Леапард» ды «Абрамс», БМП «Брэдлі», «Мардэр», «Пума», самаходныя гаўбіцы PzH 2000 ды M109 «Паладзін», сістэму ПВО NASAMS, якая ўжо стала легендарнай, ды іншыя.

Прапануем вашай увазе фотарэпартаж.

Папярэдні слайдНаступны слайд