З'явілася петыцыя за ўсталяванне помніка Кастусю Каліноўскаму ў Варшаве

У Польшчы ініцыююць ушанаванне памяці «агульнага героя Беларусі, Літвы, Польшчы і Украіны» Кастуся Каліноўскага.
Кастусь Каліноўскі

Кастусь Каліноўскі


Мэру Варшавы Рафалу Тшаскоўскаму прапанавалі абвясціць конкурс на помнік Кастусю Каліноўскаму, каб яго пасля ўсталяваць у польскай сталіцы. Стваральнікі петыцыі нагадваюць пра заслугі «агульнага героя Беларусі, Літвы, Польшчы і Украіны». Тэкст петыцыі з'явіўся на сайце Petycjeonline.com.

«Помнік агульнаму герою Беларусі, Літвы, Польшчы і Украіны Кастусю Каліноўскаму можа стаць годным і цудоўным месцам, дзе, напрыклад, мы зможам адзначаць (галоўнае — разам!) важныя юбілеі і аднавіць супольнасць (у дадзеным выпадку народаў Беларусі, Літвы, Украіны і Польшчы). Такія сімвалы, без сумневу, вельмі патрэбныя», — лічаць стваральнікі ініцыятывы.

Гэта не першая ініцыятыва па ўшанаванні памяці легендарнага беларуса. Нядаўна ў Кіеве адну з вуліц вырашылі перайменаваць у гонар Каліноўскага, імем героя будзе названы таксама і кіеўскі сквер. Нагадаем, полк беларускіх добраахвотнікаў, якія ваююць за Украіну, названы ў гонар Кастуся Каліноўскага.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: