Аналітык Сяргей Чалы перабраўся з Украіны ў Польшчу
Незалежны аналітык Сяргей Чалы пераехаў у Польшчу. Эксперт пакінуў Беларусь яшчэ ўлетку і некалькі тыдняў правёў ва Украіне.

У Варшаву ён перабраўся пасля «польскага Давоса» — эканамічнага форума ў Карпачы, піша Еўрарадыё.
На Еўрарадыё выходзіла праграма «Чалы на канікулах», дзе эксперт разважаў пра актуаліі эканамічнай і палітычнай сітуацыі. Аднак, ці будзе з ім нейкі новы праект пасля заканчэння гэтых перадач, у Еўрарадыё пакуль не ведаюць.