Беларусь падоўжыла харчовае эмбарга да канца 2022 года

Урад Беларусі падоўжыў харчовыя контрсанкцыі да канца 2022 года. Гэта прадугледжана пастановай №412 ад 27 чэрвеня, якая сёння афіцыйна апублікавана на Нацыянальным прававым інтэрнэт-партале.


Спецыяльныя меры ў дачыненні да асобных відаў тавараў будуць дзейнічаць да 31 снежня 2022 года. Яны прадугледжваюць забарону на ўвоз у Беларусь шэрагу відаў харчавання з Еўрасаюза, ЗША, Канады, Нарвегіі, Албаніі, Ісландыі, Паўночнай Македоніі, Вялікабрытаніі, Чарнагорыі, Швейцарыі, Ліхтэнштэйна і Сербіі, нагадвае REFORM.by.

Адначасова ўрад пашырыў пералік выключэнняў з катэгорыі садавіна і арэхі, якія ўсё-ткі можна ўвозіць у Беларусь. Цяпер эмбарга не будзе распаўсюджвацца на:

  • грушу,
  • абрыкос,
  • вішню,
  • чарэшню,
  • персікі і нектарыны,
  • сліву,
  • хурму.

Нагадаем, харчовае эмбарга было ўведзена з 1 студзеня 2022 года. Пад яго трапілі мяса і мясныя прадукты, жывёлы тлушчы, малочная прадукцыя, гародніна, каўбасныя і кандытарскія вырабы. Пры гэтым дапускаецца ўвоз прадуктаў у рамках квот ЕАЭС, а таксама па спецыяльных дазволах.

За гэты час урад ужо тройчы мяняла пералік падсанкцыйных прадуктаў, выключыўшы з яго насенне, некаторыя сезонныя гародніну і садавіну, соль. Беларускі ўрад забараніў увозіць у краіну прадукты харчавання ў адказ на санкцыі, якія ЕС, ЗША і іншыя дзяржавы ўвялі ў дачыненні да Лукашэнкі, сілавікоў, суддзяў і іншых чыноўнікаў за парушэнне правоў чалавека і масавыя рэпрэсіі ў Беларусі.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: