Дабрабыт беларусаў у доларах дасягнуў мінімуму за 15 гадоў
Дабрабыт беларусаў у сярэдзіне 2015 года дасягнуў мінімальных паказчыкаў з 2000 года. Пра гэта сведчаць дадзеныя дакладу Global Wealth Report, апублікаванага Credit Suisse.
Пры гэтым Беларусь, разам з Малдовай і Украінай, з’яўляюцца адзінымі краінамі Еўропы, у якіх дабрабыт на аднаго жыхара ацэньваецца менш чым у 5.000 долараў.
Згодна з дакладам, узровень дабрабыту дарослых беларусаў складае 1.551 долар, з якіх 331 долар — фінансавы дабрабыт, 1.337 — нефінансавы, а 64 — абавязак. У 98,6% беларусаў дабрабыт ацэньваецца менш чым у 10 тыс. долараў.
Найбольш блізкі да гэтага паказчык быў адзначаны ў канцы 2001 года, калі дабрабыт дарослага беларуса ацэньваўся ў 1.951 долар. Найбольшым дабрабыт беларусаў быў ў 2007 і 2008 гадах — адпаведна 9.362 і 9.231 долараў. У 2014 годзе гэты паказчык быў роўны 2.176 долараў.
Для параўнання: узровень дабрабыту дарослых латвійцаў складае 20.977 долараў, літоўцаў — 22.628, палякаў — 24.370, расійцаў — 11.726, украінцаў — 1.437.