Камплектуючыя для ваеннай тэхнікі дасылалі з Расіі ў Беларусь па пошце

Супрацоўнікі Астраханскай мытні і іх калегі з Упраўлення ФСБ Расіі па Валгаградскай вобласці спынілі канал незаконнага вывазу прадукцыі ваеннага прызначэння з Расіі ў Беларусь без неабходных дазвольных дакументаў, паведамляе Паўднёвае мытнае ўпраўленне РФ.

Як устанавілі расійскія мытнікі, у 2016-2019 гадах намеснік дырэктара завода, размешчанага ў Валгаградскай вобласці, арганізаваў перасоўванне праз расійска-беларускую мяжу электронных камплектуючых — кварцавых рэзанатараў, якія прымяняюцца ў вытворчасці ваеннай тэхнікі. Усяго з выкарыстаннем міжнародных паштовых адпраўленняў было вывезена каля 600 адзінак такой прадукцыі.
Прадстаўнікі прадпрыемства абароннага комплексу не звярталіся для атрымання адпаведных дазваленчых дакументаў (лiцэнзiй, пералікаў, выпісак з пералікаў) з мэтай перамяшчэння кварцавых рэзанатараў праз мяжу Расіі.
У дачыненні да падазраванага Астраханская мытня ўзбудзіла 2 крымінальныя справы за кантрабанду прадукцыі ваеннага прызначэння. Гэты артыкул прадугледжвае пакаранне да 12 гадоў пазбаўлення волі са штрафам у памеры да 1 млн расійскіх рублёў або ў памеры прыбытку асуджанага за перыяд да 5 гадоў.