Расія зрабіла выключэнне для Беларусі
Расія не плануе прымаць рублёвыя выплаты па абавязку перад РФ іншых дзяржаў, акрамя Беларусі, паведаміў журналістам намеснік міністра фінансаў Сяргей Сторчак у кулуарах форуму ЕБРР у чацвер.
“Не. Нідзе няма такога актыўнага выкарыстання расійскага рубля ў гандлі, як з нашым партнёрам, таму гэта лагічна. Яны зарабляюць шмат рублёў, лагічна, што валютныя рызыкі пазычальнік нясе. Гаворка ідзе пра звязаныя крэдыты, а звязаныя крэдыты арыентаваны на выкарыстанне нацыянальнай валюты, у дадзеным выпадку — рублёў”, — сказаў Сторчак.
Раней у маі Расія дазволіла Беларусі пагашаць запазычанасць як у доларах, так і ў рублях.
“Мы і па фінансавых крэдытах гатовыя былі прымаць зваротныя выплаты ў рублях. Пазычальнік палічыў за лепшае менавіта гэты падыход, мы пагадзіліся. Гэта адпавядае нацыянальным інтарэсам Беларусі і нашай краіны”, — адзначыў намеснік міністра.