Турцыя пасунула Беларусь у экспарце ў Расію

Па выніках першага паўгоддзя Турцыя абагнала Беларусь па ўвозе тавараў у Расію. Наша краіна аказалася на трэцім месцы сярод краін-імпарцёраў, піша Myfin.

Па выніках першага паўгоддзя Турцыя абагнала Беларусь па ўвозе тавараў у Расію. На першым месцы пры гэтым застаецца Кітай, паведамляе «РІА Навіны» са спасылкай на даследаванні банка «Точка».

• На першым месцы сярод краін-імпарцёраў аказаўся Кітай – 42% ад агульнага аб'ёму імпарту належыць усходняй краіне. 
• На другім месцы – Турцыя, якая пастаўляе 13% ад усіх тавараў, што ўвозяцца ў Расію з-за мяжы. 
• Тройку лідараў замыкае Беларусь — 12%. 
• Таксама ў топ-5 імпарцёраў увайшлі Ганконг і Казахстан. 

Пра гэта гаворыцца ў даследаванні.

Дарэчы, у рэйтынгу краін-імпарцёраў Расіі за аналагічны перыяд мінулага года Беларусь займала другое месца. Трэцяе месца было ў Турцыі.

Аляксандр Кныровіч: Мы знаходзімся ў трэцім сезоне знішчэння прадпрымальнікаў

Эксперт у галіне знешнеэканамічнай дзейнасці ў «Точке» Алёна Панаско адзначыла, што ў гэтым годзе прадпрымальнікі з Расіі рэзка пераарыентаваліся на турэцкіх вытворцаў. Больш за ўсё гэта прыкметна ў катэгорыі «адзенне». 

Цалкам верагодна, што такая сітуацыя склалася, бо ў Турцыі вырабляюць якасную прадукцыю, якая можа замяніць брэнды, што сышлі з расійскага рынку з-за санкцый.