«Выказалі здагадку, што ён проста перагрыз сабе вену». Наталля Дуліна распавяла падрабязнасці затрымання

«Чацвёрты раз! Я папросту адчуваю сябе Чарнабаеўкай. У РУУС пажартавалі: «У
наступны раз будзе юбілей». Былая дацэнтка кафедры італьянскай мовы ў МДЛУ Наталля Дуліна падзялілася на сваёй старонцы ў фэйсбуку аповедам пра сваё затрыманне.

Наталлю Дуліну затрымалі дома 25 красавіка каля 11:30. У кватэру да яе ўвайшлі два супрацоўнікі ў цывільным і пацікаваліся, ці будзе ў каго даглядзець катоў Наталлі. Ёй дазволілі сабраць рэчы, але адразу выняў яе тэлефон, распавядаюць праваабаронцы.

У Ленінскім РУУСе ў жанчыны пыталі пра «План Перамога» і нават пра тое, ці пісала яна нешта ў «Чорную кнігу Беларусі». Яна спрабавала растлумачыць участковаму, што быць падпісанай на «экстрэмісцкія» каналы — не правапарушэнне. На што ён адказаў: «Вы памыляецеся, я пазней вам гэта дакажу».

У выніку, праткол ва ўпраўленні на Дуліну склалі за «захоўванне інфармаццыйнай прадукцыі канала на YouTube з назвай "Радыё Свабода"». Пратакол міліцыянт складаў пратакол па скрыншотах, на аднім з якіх была старонка канала з надпісам: «Вы падпісаны на канал "Радыё Св*бода"»

На наступны дзень у судзе Ленінскага раёна Мінска суд прызначыў Наталлі 15 сутак арышту. Да раніцы 26 красавіка яе ўтрымлівалі ў камеры РУУСа:

«Я сядзела, ляжала, засынала, прачыналася. Нарэшце, мяне выклікалі і вывелі з камеры… Я ніяк не магла зразумець, колькі прайшло часу. Спыталася ў міліцыянта. «Дваццаць хвілін шостага». Вечары ці раніцы? Пасаромелася ўдакладніць. Потым даведалася: гэта была раніца 26-га. Як жа гэта я страціла арыентацыю ў часе? Можа, з-за таго, што ў мяне забралі акуляры, і пачувалася разгубленай і бездапаможнай?»

На Акрэсціна яе везлі ў бусе з мужчынамі, якіх затрымалівалі не па «палітычных артыкулах». Наталля распавяла, як адзін з затрыманых спрабаваў парэзаць сабе вены:

«У дарозе адзін з затрыманых папрасіўся ў туалет. Мы стаялі ў брамы на Акрэсціна. Супрацоўнік сказаў яму пацярпець. «Не магу я, я хворы: прастатыт, больш не магу трываць». Мы дружна сталі прасіць, каб яму далі дзе-небудзь «адліць». Супрацоўнік пабег за бутэлькай з-пад вады, каб той аблегчыўся.

Увогуле, усё адбылося. Ён сеў у бус, і мы сталі чакаць, калі адчыняць браму. Чамусьці на Акрэсціна заўсёды прымушаюць чакаць. І тут гэты мужык з прастатытам заяўляе: «я ўскрыўся».

Прысутныя ў бусе выказалі здагадку, што ён проста перагрыз сабе вену, бо ў яго нічога з сабой не было. Супрацоўнік пабег за аптэчкай. Дзіўна, ніякай лаянкі, мата, пагроз. Увогуле гэтыя супрацоўнікі РУУСа паводзілі сябе, на здзіўленне, спакойна, вывелі пакурыць, нават пачаставалі іх цыгарэтамі. Фантастыка нейкая».

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: