Адразу ў некалькіх гарадах «замініравалі» школы ад імя «супольніка Пратасевіча»

У рэдакцыю tut.by прыйшло некалькі паведамленняў аб мініраванні школ — у Мінску, Калінкавічах, Смаргоні, Гродзенскага раёна.

Паведамленні аб мініраванні  паступілі адразу ў некалькі школ Мінска, паведамілі ў сталічнай міліцыі ў панядзелак.
«Сёння ў міліцыю звярнуліся кіраўнікі некалькіх школ, якія паведамілі пра паведамленні аб закладзеных выбуховых прыладах, якія паступілі на пошту ўстаноў адукацыі», — праінфармавалі ў міліцыі.
Як удакладняе «Еўрарадыё», паведамленні аб мініраванні прыйшлі ў СШ №42, 21 і ў гімназіі №29 і 50.
У сваю чаргу, «Белсат» піша, што паведамленні аб мініраванні школ атрымалі таксама ў Бабруйску і Магілёве. У паведамленнях сказана, што іх рассылае «супольнік Пратасевіча», які ўскладае ўсю віну на магчымыя выбухі на яго і апраўдвае супрацоўнікаў міліцыі.
Цяпер на месцах праводзіцца праверка, прымаюцца неабходныя меры бяспекі.