Армія РФ павялічваецца да 2 мільёнаў чалавек. За кошт чаго — не кажуць

Кіраўнік Расіі Уладзімір Пуцін загадаў павялічыць штатную колькасць вайскоўцаў адразу на 137 тысяч чалавек.

Прэзідэнт Расіі Уладзімір Пуцін падпісаў указ аб павелічэнні штатнай колькасці расійскай арміі. У адпаведнасці з указам, колькасць салдат будзе павялічаная на 137 тысяч чалавек. Гэта будзе зроблена толькі за кошт павелічэння колькасці вайскоўцаў — колькасць цывільнага персаналу ў войску застанецца нязменнай.

«Устанавіць штатную колькасць Узброеных Сіл Расійскай Федэрацыі ў колькасці 2 039 758 адзінак, у тым ліку 1 150 628 вайскоўцаў».

Якім менавіта чынам будзе павялічана колькасць вайскоўцаў — за кошт дадатковага прызыву або за кошт павелічэння колькасці кантрактнікаў — ва ўказе не ўдакладняецца.

Указ пачынае дзейнічаць з 1 студзеня 2023 года.

Расійскія войскі, паводле ацэнак назіральнікаў, ва ўмовах вайны ва Украіне адчуваюць дэфіцыт жывой сілы. У апошнія месяцы гэты дэфіцыт папаўняецца шляхам найму добраахвотнікаў, у тым ліку сярод вязняў у СІЗА і калоніях.

Паводле meduza.io, www.pravda.com.ua

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: