Беларусь — краіна для мігрантаў? Лукашэнка ўнёс змены ў бязвіз для замежнікаў

Грамадства

Лукашэнка падпісаў дакумент, які ўносіць змены ў яго папярэдні ўказ пра бязвізавы парадку ўезду і выезду замежных грамадзян. Пра гэта паведамляе Нацыянальны прававы інтэрнэт-партал Беларусі.

no_visa_1.jpg


Сам дакумент яшчэ не апублікаваны, але сее-тое ўжо вядома.

Цяпер замежнікі змогуць уязджаць у Беларусь на тэрмін да 30 дзён без афармлення віз праз:

  • аэрапорт Брэст;
  • аэрапорт Віцебск;
  • аэрапорт Гомель;
  • аэрапорт Гродна;
  • аэрапорт Магілёў.

Раней «беларускі бязвіз» распаўсюджваўся толькі на замежнікаў, якія прыбываюць у Беларусь праз Нацыянальны аэрапорт Мінск.

Таксама нагадаем, што ўсе названыя Аэрапорты валодаюць міжнародным статусам, гэта значыць могуць прымаць і адпраўляць рэйсы за межы Беларусі. Пры гэтым цяпер толькі частка з іх задзейнічана — напрыклад, з Брэста і Гомеля можна паляцець чартарным рэйсам у Егіпет або Турцыю.