Беларусы стварылі бот, які дапаможа лепей вывучыць геаграфію радзімы
Хочаце больш ведаць пра геаграфію Беларусі? Створаны тэлеграм-бот «Падароаж», які ў форме гульні дазваляе даведацца, дзе знаходзяцца беларускія гарады. Пра бот адна з яго аўтараў — Кацярына Гаспадарык — распавяла devby.io.
Скрыншот з бота
Як працуе бот
Усё вельмі проста.
Націскаеце на «Пачаць».
Бот генеруе мапу з двума гарадамi Беларусі.
Задача юзера — «даехаць» ад кропкі А ў кропку Б аптымальным маршрутам. Бот можа рандомна падкінуць вам гарады або вы самі можаце выбраць месцы. Проста пішаце ў тэлеграме назву горада, напрыклад, Сянно.
Калі няма ідэй — бярыце падказкі. Калі і падказкі не дапамагаюць, то можна здацца.
Мы натхняліся праектам travel.earth — там трэба дабірацца з краіны да краіны па ўсім свеце. Нам жа хацелася зрабіць праект менавіта па беларускіх мясцінах. Назва праектa «Падароаж» таксама адсылае на гэтага сайту.
Кацярына Гаспадарык і Іван Рубанаў, стваральнікі бота «Падароаж»
Як ствараўся чат-бот
Працавалі ў чатыры рукі: я і Іван Рубанаў, распрацоўшчык у Microsoft.
Ваня не знайшоў код travel.earth у адкрытых крыніцах, таму вырашылі зрабіць усё з нуля.
Бот напісаны на Python + Postgres. Асновай для мапы скарысталіся SVG файлам з контурамі сельсаветаў, раёнаў ды абласцей, якія Ваня знайшоў у адкрытых крыніцах. Давялося яго пачысціць ды ўручную ды прапісаць назвы ўсіх райцэнтраў.
Што будзе з праектам далей?
Мы рэалізавалі ўсе ідэі, якія задумвалі. Цяпер збіраем фідбэк ад карыстальнікаў, будзем дадаваць/змяняць нешта. Ужо ведаеш, што трэба, каб бот разумеў не толькі «Мар'іна Горка», але і «Пухавіцкі раён».
Праз тое, што мы зараз жывем у Эстоніі, ёсць яшчэ ідэя зрабіць аналагічны праект пад эстонскія maakond’ы — аналаг беларускіх раёнаў.
Рабілі, бо хацелася пагуляцца ў мапы
Ване падабаюцца мапы, графы, кодзіць і ўкладацца у беларушчыну. Ён прыйшоў да мяне з ідэяй. Мне заўсёды цікава паўдзельнічаць у нечым класным. Даўно хацелася зрабіць падобны вясёлы праект.
Бот дазваляе падвучыць геаграфію Беларусі — і нам самім, і людзям навокал. Пакуль рабіла і тэставала — ужо шмат чаго запомніла. Напрыклад, дзе знаходзяцца Масты.