Да бухгалтаркі «Моцных навін» Ганны Стрэльчанка прыйшлі супрацоўнікі крымінальнага вышуку

Сёння раніцай да бухгалтаркі гомельскага выдання «Моцныя навіны» Ганны Стрэльчанка прыйшлі супрацоўнікі крымінальнага вышуку. Пра гэта паведамляе сам партал.

З чым звязаны ператрус, на дадзены момант невядома.

Нагадаем, у мінулую пятніцу, 9 ліпеня, амаль да ўсіх супрацоўнікаў «Моцных навін» прыйшла міліцыя з ператрусамі. Ператрус прайшоў у доме і ў загарадным доме заснавальніка «Моцных навін» Пятра Кузняцова, па адрасе прапіскі і месца жыхарства галоўнай рэдактаркі Ганны Якштас і ў яе мужа Дзяніса Якштаса, кіраўніцы рэкламнага аддзела Яўгеніі Крэшчук, у супрацоўнікаў Ірыны Вольскай, Наталлі Суславай, Паўла Кузняцова, Юрыя Глушакова, Кацярыны Тэліман, у бацькоў Аляксея Шкурава.