Iraqi Airways адмяніла рэйс у Беларусь

Авіякампанія Iraqi Airways адмяніла сённяшні рэйс з Басры ў Мінск, паведаміў Нацыянальны аэрапорт Мінска.

«Сёння адменены рэйс авіякампаніі Iraqi Airways па маршруце Басра — Мінск — Басра», — цытуе паведамленне Нацыянальнага аэрапорта АФН. Рэйс павінен быў прыбыць у Мінск у 13:00.

«У сувязі з частымі пытаннямі прэсы на гэтую тэму тлумачым наступнае. Па словах прадстаўніка Iraqi Airways ў Мінску, рэйс Басра — Мінск — Басра скасаваны па рашэнні авіякампаніі. Прычыны адмены неабходна ўдакладняць у прадстаўніцтве авіяперавозчыка», — сказана ў паведамленні.

Раней з'явіліся паведамленні аб тым, што на фоне міграцыйнага крызісу на мяжы Беларусі і Літвы авіякампанія Iraqi Airways прыпыняе на 10 дзён авіяпералёты ў Беларусь.