Каля 150 выкладчыкаў БДМУ выказаліся супраць адлічэння студэнтаў

147 выкладчыкаў Беларускага дзяржаўнага медыцынскага ўніверсітэта падпісалі петыцыю супраць палітычна матываванага адлічэння студэнтаў. І колькасць падпісантаў будзе расці.

Як гаворыцца ў петыцыі, адрасаванай рэктару БДМУ, 28 кастрычніка ва ўстанове адукацыі «Беларускі дзяржаўны медыцынскі ўніверсітэт» адбылося беспрэцэдэнтная падзея — масавае адлічэнне студэнтаў, якія прымалі ўдзел у розных мірных грамадзянскіх акцыях і выказваюць сваё стаўленне да грамадска-палітычных працэсаў, якія адбываюцца ў дзяржаве, што з'яўлялася рэалізацыяй іх неад'емнага права, згодна з артыкулам 33 Канстытуцыі Рэспублікі Беларусь.
Згодна з п. 44 Статута ўстановы адукацыі «Беларускі дзяржаўны медыцынскі універсітэт»: «Адлічэнне як мера дысцыплінарнай адказнасці можа быць прыменена за: працяглую адсутнасць (больш за трыццаць дзён, а для асоб, якія асвойваюць змест адукацыйных праграм дадатковай адукацыі дарослых, больш за тры дні) без паважных прычын на вучэбных занятках на працягу навучальнага года; сістэматычнае (паўторнае на працягу навучальнага года) невыкананне або неналежнае выкананне абавязкаў навучэнцам, калі да яго раней прымяняліся меры дысцыплінарнага спагнання».
Але, як падкрэсліваецца ў петыцыі, ніхто з адлічаных студэнтаў не адпавядае названым у п. 2 гэтага звароту крытэрам, а шэрагу студэнтаў адзінкавыя пропускі заняткаў былі выстаўленыя заднім чыслом настолькі паспешліва, што прыйшліся на тыя заняткі, на якіх яны прысутнічалі. Такім чынам, іх адлічэнне незаконнае і расцэньваецца як палітычна матываваная акцыя адплаты за непажаданую адміністрацыі ўніверсітэта грамадзянскую пазіцыю.
У петыцыі ўтрымліваецца патрабаванне адмяніць загад аб адлічэнні шэрагу студэнтаў як той, што дыскрымінуе іх па палітычных і грамадзянскіх перакананнях.
Медыкі таксама патрабуюць звольніць як тых, што не справіліся з працай прарэктара па выхаваўчай працы Маркауцана П.В. і начальніка аддзела па выхаваўчай працы з моладдзю Кібік Н.А., дзейнасць якіх прывяла да ўзмацнення пратэсных настрояў у студэнцкім асяроддзі.
Падпісанты петыцыі прапануюць прыступіць да фармавання ва ўніверсітэце атмасферы ўзаемнага даверу і партнёрскіх узаемаадносін.
thinktanks.by