Ля ПП «Мядзінінкай» на літоўска-беларускай мяжы адбылася сутычка паміж дальнябойшчыкамі і дэманстрантамі

Розныя крыніцы паведамляюць, што фуры, кіроўцы якіх негатыўна паставіліся да дэманстрантаў, маюць расійскія нумары.

Акцыя з перакрыццём дарог на пункце пропуску «Мядзінінкай» была ўзгодненая з літоўскімі ўладамі, адзначае TUT.BY. Беларускім дэманстрантам дазволілі на два гадзіны з 13.00 да 15.00 заблакаваць выезд з назапашвальніка, які знаходзіцца ў некалькіх кіламетрах ад пункта пропуску.

Аднак, калі дэманстранты выйшлі на дарогу, завязалася бойка з дальнабойшчыкамі, якія спрабавалі прарвацца. Па словах відавочцаў, узнікалі слоўныя сваркі, сутычкі, але абышлося без пацярпелых.

Пазней да месца інцыдэнта прыехала паліцыя. Ёсць паведамленні аб адным затрыманым кіроўцы.