Малады Фронт адзначыць Новы год гуляннем з бел-чырвона-белымі сцягамі ў Мінску
Куды варта пайсці ды за чым сачыць заўтра.
Бел-чырвона-белы сцяг на навагодняй ялінцы ў Віцебску, 2013 год
Лідар «Маладога Фронту» Зміцер Дашкевіч заклікаў мінчукоў сустрэць Новы год з бел-чырвона-белымі сцягамі на Кастрычніцкай плошчы ў Мінску. Актывісты плануюць пачаць гулянне а 23.45 і абяцаюць забяспечыць кожнага ахвочага бел-чырвона-белым сцягам за сімбалічнае ахвяраванне.
Зміцер Дашкевіч, кастрычнік 2016
Навагодняя ноч танцаў
Клуб традыцыйнага танца «Сіта» запрашае сустрэць Новы год у танцы. Арганізатары вітаюць усе вакальныя выступы, а таксама харчовыя ініцыятывы. Імпрэза не прадугледжвае фармату застолля.
Народныя танцы ў Ракаве, архіўнае фота
Мінск, арт-прастора «Мёд» (вул. Талбухіна, 4, 3-ці паверх).Пачатак а 21-й гадзіне.Кошт удзелу: 12 рублёў. Уваход для музыкаў бясплатны.
Новы год у ірландскім пабе
Адноўлены арт-паб «Торвальд» запрашае віцяблян сустрэць Новы год у кампаніі музыкаў «De Puta Madre» з конкурсамі і рок-дыскатэкай. Арганізатары вітаюць гасцей у святочных строях.
Віцебск, арт-паб «Торвальд» (вул. Талстога, 1).Пачатак а 22-й гадзіне.Квіткі каштуюць 15-25 рублёў.
www.svaboda.org