Мінздароўя прыпыняе дзейнасць клінікі «Мерсі», уладальнікі якой нібыта набліжаныя да Віктара Лукашэнкі

Міністэрства аховы здароўя вынесла рашэнне адносна дзейнасці прыватнай мінскай клінікі «Мерсі». Паводле яго, з 26 верасня ўстанова прыпыняе працу.

Прэс-служба Мінздароўя паведамляе, што ў дзейнасці «Мерсі» выяўлены шэраг парушэнняў. У прыватнасці, невыкананне ліцэнзійных патрабаванняў і ўмоў у частцы адсутнасці медыцынскай дакументацыі, дагавораў на тэхнічнае абслугоўванне медыцынскай тэхнікі, выкарыстання незарэгістраванай медыцынскай тэхнікі і іншыя.

Медцэнтр быў адкрыты ў студзені 2021 года.

Адметна, што пасля гучнай «справы артапедаў» клініка «Мерсі» стала адзінай, у якой працягнулі ставіць імпартныя суставы. Таксама апошнім часам улады ліквідавалі альбо «паставілі на паўзу» некалькі вядомых прыватных медцэнтраў.

Нядаўна журналісты «Беларускага расследавальніцкага цэнтра» распавядалі, што ўладальнікі «Мерсі» (Максім Тураў, Людміла Няронская, Наталля Караткевіч і кампанія «Грузавая служба») маюць сувязі з набліжанымі да сям'і Лукашэнкі бізнесменамі і таксама добра знаёмыя з яго старэйшым сынам Віктарам.

Чаму, нягледзячы на гэта, улада вырашыла прыпыніць дзейнасць клінікі, невядома.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: