«Моладзь БНФ» заснавала прэмію імя Джона Маккейна

Джон Маккейн быў чалавекам, які змагаўся за свабоду ва ўсім свеце, рашуча выступаў супраць несправядлівасці, і не толькі словам, але і справай падтрымліваў незалежнасць нашай краіны.

Джон Маккейн быў вялікім сябрам Беларусі, падтрымліваў яе Незалежнасць і змаганне беларускага народа за сваю свабоду, адзначае «Моладзь БНФ» і ад імя ўсёй беларускай моладзі выказвае шчырыя спачуванні ўсім родным і блізкім гэтага выбітнага палітыка, які памёр на 82-м годзе жыцця.

У гонар палітыка і сябра нашай краіны «Моладзь БНФ» засноўвае прэмію "За падтрымку Беларусі і адданасць беларускай справе". Прэміяй будуць ганараваць замежнікаў, якія зрабілі значны ўнёсак у падтрымку незалежнасці Беларусі, у культурнае, палітычнае развіццё нашай краіны ці ўздымаюць беларускае пытанне на міжнароднай арэне.

Прэмію плануюць уручаць у дзень памяці Джона Маккейна — 29 жніўня (пачынаючы з 2019 года) у яго дзень народзінаў, які будзе арганізоўваць «Моладзь БНФ».

Таксама бліжэйшым часам актывісты пачнуць працу над перакладам і агучваннем дакументальнага фільма пра Маккейна, які нядаўна выйшаў, "Джон Маккейн, па кім б'е звон".

 «Бывайце, сенатар. Вы мужна і аддана змагаліся за свабоду і дэмакратыю ўсё сваё жыццё, а мы працягнем гэтую справу далей. Пакойцеся з мірам», — адзначае прэс-служба «Моладзі БНФ».