На Брэстчыне ад COVID-19 прышчапілася больш за 6% насельніцтва

Больш за 120 тысяч жыхароў Брэсцкай вобласці ўжо атрымала хаця б адну дозу вакцыны ад каронавіруса. З іх 80 тысяч чалавек — цалкам прышчэплена.

Такую апошнюю статыстыку прадставіў Брэсцкі абласны цэнтр гігіены і эпідэміялогіі. Падлічана, што агульная колькасць чалавек, якія прышчапіліся ад COVID-19, на Брэстчыне ўжо дасягнула 6%.
Пераважна выкарыстоўваецца расійская вакцына Спадарожнік V беларускай вытворчасці. У некаторых раёнах даступная невялікая колькасць кітайскай вакцыны. Калі на пачатку года вакцыну маглі атрымаць выключна прадстаўнікі сферы аховы здароўя, адукацыі і сацыяльнага абслугоўвання, то цяпер у парадку чаргі яна даступная па папярэднім запісе шараговым жыхарам рэгіёну.
Аліса Поль, Беларускае Радыё Рацыя