Былы следчы Яўген Юшкевіч — у СІЗА КДБ

Яго дзяўчына піша, што яго ля дома чакала міліцыя.

Не выходзіць на сувязь былы следчы Яўген Юшкевіч. Яго дзяўчына піша, што яго ля дома чакала міліцыя.
25 лістапада ён быў затрыманы па крымінальнай справе і быў прызнаны палітвязнем. 4 снежня меру стрымання замянілі на падпіску аб нявыездзе.
Дзяўчына Яўгена Юшкевіча, Валерыя Эйсмант, раней таксама была затрыманая цэнтральным апаратам КДБ, гэта адбылося 4 снежня. Валерыя — былая супрацоўніца пракуратуры Мінска. Неўзабаве яе выпусцілі.
Дапоўнена:
Адвакатка Яўгена Юшкевіча Марыя Калесава-Гудзіліна напісала, што ён у СІЗА КДБ.
Паводле яе слоў, сваякам паказалі пастанову на ператрус, дзе пазначаны артыкул 289 КК («Акт тэрарызму»).