Некалькі станцый мінскага метро будуць зачыненыя ў сакавіку

Урэзку стрэлкі паміж Аўтазаводскай і Зялёналужскай лініямі метрапалітэна Мінска плануецца правесці ў трэцяй дэкадзе сакавіка, паведамілі карэспандэнту агенцтва «Мінск Навіны» ва УП «Мінскметрабуд».

Як адзначыў генеральны дырэктар УП «Мінскметрабуд» Леанід Стухальскі, арыентыровачна 21 і 22 сакавіка часова будзе закрыты для эксплуатацыі ўчастак падземкі ад станцыі «Фрунзенская» да станцыі «Каменная Горка». У дадзены перыяд метрабудаўнікі плануюць правесці ўрэзку стрэлкі, злучэнне рэйкавых шляхоў паміж дзеючай Аўтазаводскай і Зялёналужскай лініямі.
— Ветка з'ездаў будзе рабіцца на перагоне ад станцыі «Плошча Францішка Багушэвіча» і выйдзе паміж станцыямі «Фрунзенская» і «Маладзёжная», — адзначыў Стухальскі. — Тэхнічна гэта вельмі складаная задача. На перыяд правядзення гэтых работ прадпрыемствам «Мінсктранс» будзе арганізаваны кампенсацыйны наземны транспарт з прыпынкамі ў кожнай станцыі метрапалітэна.
Адзначым, станцыя «Каменная Горка» з'яўляецца адной з самых загружаных у сталічнай падземцы. У мінулым годзе яе паслугамі скарысталіся звыш 22,4 млн пасажыраў. Бліжэйшай да яе станцыяй па пасажырапатоку была «Плошча Леніна» — амаль 19,8 млн. У цэлым у 2019 годзе паслугамі метрапалітэна скарысталіся каля 294 млн пасажыраў.