Папа Рымскі назваў прычыну новай сусветнай вайны

Папа Рымскі Францыск выказаў асцярогу, што недахоп прэснай вады можа прывесці да новага сусветнага канфлікту. Пра гэта ён заявіў у ходзе канферэнцыі, прысвечанай прававым аспектам доступу да водных рэсурсаў, перадае РІА Навіны.

«Права на ваду з'яўляецца вызначальным для выжывання чалавека і будучыні чалавецтва. І я пытаюся ў сябе, ці не рухаемся мы ў бок вялікай сусветнай вайны з-за вады», — сказаў пантыфік.

«Кожны дзень тысяча дзяцей гіне ад хвароб, звязаных з вадой. Заражаная вада спажываецца мільёнамі людзей кожны дзень. Трэба спыніцца і павярнуць сітуацыю назад. На шчасце, гэта не з'яўляецца немагчымым, аднак гэта тэрміновая справа», — падкрэсліў Папа Рымскі.

Пантыфік заклікаў палітыкаў, навукоўцаў, вернікаў і буйных прадпрымальнікаў аб'яднаць свае намаганні, каб давесці да народа думку аб неабходнасці аховы крыніц і забяспечыць доступ да чыстай вады як мага большай колькасці людзей.

Па дадзеных ААН, у цяперашні час дэфіцыт водных рэсурсаў закранае больш за 40% людзей у свеце, доступу да чыстай вады пазбаўленыя 783 мільёны жыхароў планеты. Да сярэдзіны ХXI стагоддзя колькасць тых, хто жыве пры пастаянным недахопе вады перавысіць 4 мільярды чалавек.

Паводле tut.by