Паплечніку Бабарыкі, экс-намесніку старшыні Магілёўскага гарвыканкама далі 7,5 года калоніі

43-гадовага былога намесніка старшыні Магілёўскага гарвыканкама Уладзіміра Дударава, які падчас выбарчай кампаніі 2020 года быў каардынатарам мясцовай ініцыятыўнай групы Віктара Бабарыкі, абвінавачвалі ў злоўжыванні службовымі паўнамоцтвамі і махлярстве.

Віны Дудараў не прызнаў.
Сёння суд у Чавусах вынес яму прысуд — 7 гадоў 6 месяцаў калоніі ўзмоцненага рэжыму.
Затрымалі Дударава ў чэрвені 2020 года. Тады ён ужо не працаваў у гарвыканкаме, а быў намеснікам дырэктара «Домабудавання» і абласным каардынатарам ініцыятыўнай групы Віктара Бабарыкі.
Дудараў прызнаны палітвязнем. 
navinyonline