«Распаўсюджваюць праз прадпрыемствы і прафсаюзы». Квіткі на «Славянскі базар» не карыстаюцца попытам

З продажам квіткоў на «Славянскі базар», які пачнецца 14 ліпеня, па ўсёй бачнасці, па-ранейшаму ёсць складанасці.

На сайтах па продажы квіткоў хапае свабодных месцаў нават на адкрыццё і закрыццё фестывалю, на якія ў ранейшыя гады было складана трапіць, калі не паклапаціцца загадзя, адзначае TUT.BY.

Да прыкладу, на адкрыццё фестывалю на kvіtki.bу ёсць больш 200 квіткоў, а на ticktеpro.bу — больш 150. Купіць квіткі таксама можна праз касы ў Віцебску і Мінску.

На канцэрт Нацыянальнага акадэмічнага канцэртнага аркестра пад кіраўніцтвам Фінберга, які пройдзе ў КЗ «Віцебск», даступныя для пакупкі ледзь не ўсе «паперкі». На выступ «Хору Турэцкага» таксама шмат свабодных квіткоў. Такая ж сітуацыя на многія іншыя канцэрты.

Дырэкцыя фестывалю некалькі разоў ужо аб'яўляла акцыі па квітках: зніжку ў 10% абяцалі тым, хто купіць тры і больш квіткі. Дарэчы, у гэтым годзе не прадугледжана «кавіднае» рассаджванне гледачоў.

Тым часам квіткі спрабуюць распаўсюджваць праз прадпрыемствы і прафсаюзы, паведамляюць чытачы. Работнікі некаторых прадпрыемстваў распавядаюць, што ім прапануюць аплаціць палову кошту квітка, астатняе дадасць прафсаюз. У некаторых выпадках прапануюць цалкам бясплатныя квіткі.