Самыя смелыя аўтары ў Беларусі атрымаюць ад банка па 1200 даляраў

Альфа-Банк запусціў конкурс «Смялей.Аўтары», перамагчы ў якім можа любы таленавіты беларус. Аўтары самых «смелых» і незвычайных тэкстаў атрымаюць па 1200 даляраў, а некаторых з іх запросяць папрацаваць у банку.

alfabank.jpg

Конкурс адрасаваны амбіцыйным і таленавітым аўтарам, гатовым пісаць для InSync Now – lifestyle-media медыя ўнутры мабільнага банка. Праект закліканы сабраць каманду прафесіяналаў, якая будзе ствараць круты кантэнт для чытачоў.
Для ўдзелу трэба даслаць на конкурс неардынарны матэрыял, які будзе цікавы не толькі вашай маме. На выбар чатыры тэмы: лічбавыя тэхналогіі, геаграфія і вандроўкі, культура і мастацтва, бізнес і стартапы. Пасля таго, як артыкул напісаны, яго трэба праілюстраваць і апублікаваць у анлайн-сэрвісе.
Пераможцаў будзе чатыры. Кожны з іх атрымае сертыфікат на 1200 даляраў (да выліку падаткаў), кубак фіналіста і публікацыю ў Now. У лепшых аўтараў таксама будзе магчымасць атрымаць працу ў Альфа-Банку.
Сам конкурс пройдзе ў тры этапы. Спачатку да 5 красавіка трэба запоўніць заяўку на сайце конкурсу. Пасля гэтага журы абярэ па дзве лепшыя працы ў кожнай тэматыцы. Ацэньваць тэксты будуць запрошаныя эксперты: вопытныя калумністы, пісьменнікі, выкладчыкі, капірайтэры і г.д.
На апошнім этапе фіналістаў чакае майстар-клас па капірайтынгу і індывідуальнае заданне, а пасля публічнай прэзентацыі работ будуць абраныя чатыры пераможцы. Вынікі конкурсу падвядуць да канца мая.
Конкурс таленавітых аўтараў працягвае серыю «смелых» ініцыятыў Альфа-Банка. Годам раней пабачыў свет нашумелы ролік «Смялей», а летам банк правёў першае ў краіне музычнае онлайн-шоў «Смялей.Музыка».
Паводле budzma.by