Сёння Беларусь развітваецца з Раманам Бандарэнкам (шмат фота, відэа)

Тысячы людзей прыйшлі да храма Уваскрасення Хрыстова на Гамарніка, дзе адбылося развітанне з Раманам Бандарэнкам. Героі не ўміраюць!

Рамана Бандарэнку пахавалі на Паўночных могілках.

 


Так выглядалі Паўночныя могілкі ў 13.20. Фота motolkohelp

photo5314443707614867340.jpg
420596fd_c7a5_4551_8c43_dbaa8fd36ba4.jpg


TUT.BY паведамляе, што калона людзей рушыла ўслед катафалку ў бок Паўночных могілак, дзе адбудзецца пахаванне. А людзі, што не здолелі трапіць на развітанне, выйшлі ў ланцугі салідарнасці. Прынамсі, акцыі прайшлі на Партызанскім праспекце ў раёне МКАД і на вуліцы Сурганава.

 


Прылеглая тэрыторыя ўся запоўненая людзьмі. Нягледзячы на тое, што развітанне скончылася, людзі з кветкамі працягваюць падыходзіць да царквы. Некаторыя рушылі па ходніках Мірашнічэнкі і Гамарніка — незразумела, ці то шэсцем ці то да транспарту. Адтуль да Паўночных могілак, дзе будзе пахаваны Раман Бандарэнка, ходзіць рэйсавы аўтобус.

126522847_2659557294307400_3215406848045356526_n_logo.jpg





126252949_846655606148878_1832415459987221236_n_logo.jpg


Труну вынеслі ў катафалк пад царкоўны звон, апладысменты і скандаванне «Я выхожу». Раман Бандарэнка будзе пахаваны на Паўночных могілках у Мінску.

126799052_692645091626749_6079994843336282093_n_logo.jpg


126114576_1038037263287828_8334783372300005327_n_logo.jpg
28_12.jpg


Відавочна, што людзей прыйшло вельмі багата, і да меркаванага ў 12 гадзін заканчэння ўсе развітацца не паспеюць. Людзі скандуюць «Жыве Беларусь», «Я выхожу», «Рома ты герой», «Не забудем не простим».


126317550_1556803544492804_745559184880469471_n_logo.jpg

Відэа reform.by



126056676_822610688591383_458106057760084938_n_logo.jpg

Машыны, што праязжаюць побач, гудуць. Людзі кажуць, што перамогу над фашызмам мы будзем святкаваць не за 1945 год, а за 2020. Будуць новыя героі, і шкада што такія, як Рома, не дажывуць да перамогі. Людзі перыядычна ўздымаюць рукі са знакам "вікторыя". А калі людзі сталі заходзіць у царкву развітвацца, вакол сонца ўзнікла гало.

Відэа reform.by

Фота reform.by

Фота reform.by


Месцаў для паркоўкі ўжо няма. Людзей просяць не ехаць на машынах. Паўсюль шмат ДАІшнікаў.

Чарга ў царкву расцянулася на некалькі соцень метраў, людзі ідуць па вуліцы Гамарніка няспынна, нясуць вянкі і кветкі. Святар перад пачаткам развітання сказаў, што не ведае, ці пагодзіцца сям’я, каб так шмат людзей паехала на могілкі.

Прыкладна ў 11.20 людзей пачалі пускаць на развітанне ў храм. Аднак родныя прасілі там не фатаграфаваць.


Фота reform.by

Фота reform.by


126298128_2793109680976759_2097480803033538229_n_logo.jpg

126204680_374445763629024_3292061991833672907_n_logo.jpg



126107000_184713173312620_352180240056049762_n_logo.jpg

126339704_368121397624691_3555415327087902579_n_logo.jpg

126271665_469877243991769_5155097770981592937_n_logo.jpg

20201120104611_1f1a4030.jpg

Рамана Бандарэнку збілі невядомыя ў двары плошчы Пераменаў 11 лістапада. 12 лістапада ён памёр у шпіталі. Смерць Рамана Бандарэнкі, які проста выйшаў у свой двор і загінуў, выклікала вялікую хвалю гневу і салідарнасці сярод беларусаў.

Да збіцця, магчыма, мелі дачыненне старшыня Федэрацыі хакею Дзмітрый Баскаў і кікбаксёр Дзмітрый Шакута.

Гепракуратура распачала крымінальную справу, але не ў дачыненні да тых, хто да смерці збіў Рамана, а ў дачыненні да лекара мінскай Гарадской клінічнай больніцы хуткай медычнай дапамогі і іншай асобы па прыкметах злачынства, прадугледжанага ч.3 ст.178 КК (Разгалашэнне медычнай таямніцы). Гэты лекар, меркавана, паказаў аналіз крыві Рамана Бандарэнкі. У гэтым дакуменце відаць, што этылавага спірту ў крыві Рамана Бандарэнкі няма. Раней Лукашэнка, следчыя органы, пракуратура, Качанава сцвярджалі, што Рамана Бандарэнка быў п’яны.

Артыкул прадугледжвае да трох гадоў пазбаўлення волі. У межах справы затрыманы лекар, а таксама журналістка TUT.BY Кацярына Барысевіч.