Спаўняецца 36 гадоў аварыі на ЧАЭС. «Чарнобыльскі шлях» пройдзе ў Вільні

Роўна 36 гадоў таму адбылася аварыя на Чарнобыльскай АЭС — буйнейшая тэхнагенная катастрофа ў гісторыі атамнай энергетыкі. Найбольш ад наступстваў пацярпела Беларусь, дзе дагэтуль каля мільйна чалавек жыве на забруджаных тэрыторыях. Колькасць ахвяраў аварыі ўвогуле падлічыць немагчыма, але лік дакладна ідзе на дзесяткі тысяч чалавек. 
Звычайна ў гэты дзень дэмакратычныя сілы Беларусі ладзяць акцыю «Чарнобыльскі шлях», якая мае палітычны, грамадскі і экалагісны сэнсы. Аднак сёлете шляха ў Мінску не будзе. Улады не далі дазволу на яго правядзенне. 

Заяўку на правядзенне «Чарнобыльскага шляху» у Мінгарвыканкам падавала Беларуская партыя «Зялёныя».

Прычынамі адмовы ў правядзенні акцыі мінскія ўлады назвалі небяспеку для руху транспарту і пешаходаў ды адсутнасць дамоваў з камунальшчыкамі і міліцыяй. Зрэшты, некалькі апошніх гадоў улады не дазваляюць правесці акцыі памяці ў гадавіну аварыі на ЧАЭС.

Затое «Чарнобыльскі шлях» пройдзе ў Вільні. Яго правядуць беларусы Літвы, пачатак а 18-й на Лукішскай плошчы.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: