Шумчанка абскарджвае вынікі праверкі па справе аб сепаратысцкіх надпісах на аўтамабілі

Лідэр РГА «Перспектыва» Анатоль Шумчанка раскрытыкаваў дзеянні мінскай міліцыі, якая расследуе інцыдэнт са з'яўленнем сепаратысцкага надпісу на машыне жонкі.

«Толькі што выйшаў з РУУС Маскоўскага раёна, дзе вывучаў матэрыялы справы па надпісе на аўто «ЛНР
— СІЛА».
Апытання Галавіна Аляксея, якога ўказаў як магчыма датычнага да гэтых абставінаў — няма. Больш за тое, Следчы камітэт піша ў рапарце — «адпрацаваць і апытаць Галавіна», аднак ГАМ-1 у асобе старэйшага оперупаўнаважанага АУС ОУР УУС адміністрацыі Маскоўскага раёна Лазука В.С. гэтага не зрабіў у поўным аб'ёме», — паведамляе Анатоль Шумчанка.
Ён прыйшоў да высновы: «альбо гэта ўзровень нашай міліцыі, альбо гэта свядомыя дзеянні па прыкрыцці чалавека, які магчыма можа быць датычны да правапарушэння».
Анатоль Шумчанка збіраецца звярнуцца ў пракуратуру і дамагацца ўсебаковага і глыбокага расследавання гэтай справы.

Паводле belprauda.org