У Аляксандра Фядуты ў турме здарыўся сардэчны прыступ. На знак пратэсту ён адмаўляецца прымаць лекі

У палітвязня дыягнаставалі вострую сардэчную недастатковасць. У СІЗА-1 у яго здарыўся прыступ стэнакардыі і арытміі, паведамляе «Вясна».

Праваабаронцам стала вядома, што ў сярэдзіне снежня палітолагу і літаратуразнаўцу Аляксандру Фядуne на Валадарцы дыягнаставалі вострую сардэчную недастатковасць, а праз тры дні ў яго здарыўся прыступ стэнакардыі і арытміі.

Акрамя гэтага, Фядута абвесціў медыцынскую забастоўку — ён адмаўляецца прымаць таблеткі, без якіх у палітолага можа здарыцца інфаркт. Гэта яго пратэст супраць абмежаванняў у ліставанні з роднымі.

Нагадаем, Аляксандра Фядуту затрымалі супрацоўнікі КДБ 12 красавіка ў Маскве. Ён з'яўляецца фігурантам крымінальнай справы аб «змове з мэтай захопу ўлады неканстытуцыйным шляхам». Яго ўтрымліваюць у СІЗА-1 на Валадарскага.