У мінскім ЖК «Каскад» адбылася страляніна, да якой можа быць датычны былы начальнік ГУБАЗіКа Паршын

Па словах сведкі здарэння, каля аднаго з пад'ездаў у жылкомплексе нядаўна адбылася бойка са стралянінай. Затым прыехала «хуткая дапамога». Аднаму з удзельнікаў бойкі, якому на выгляд каля 16 гадоў, аказалі дапамогу, распавядае «Позірк».

Паводле неафіцыйных даных, да здарэння можа быць датычны былы начальнік ГУБАЗіКа Андрэй Паршын, які цяпер узначальвае Дэпартамент забеспячэння аператыўна-вышуковай дзейнасці МУС.

«Ля пад'езда размясцілася група моладзі. Паршын вырашыў зрабіць заўвагу з нейкай нагоды. Слова за слова — пачалася бойка. У выніку Паршын апынуўся на зямлі», — паведаміў сведка.

Жыхар «Каскада» сцвярджае, што чуў у гэты час хлапок, падобны на гук стрэлу.

Сілавікі здарэнне не каментуюць.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: