У Мінску пройдуць пікеты супраць хатняга гвалту

Грамадства

Ініцыятыўная група «Маршыруй, дзетка!» атрымала дазвол на правядзенне вулічных пікетаў у сталіцы 28 і 29 снежня. 

28_sne.jpg

Актывісткі плануюць расказаць такім чынам 55 гісторый жанчын, якія загінулі ў сем’ях. 55 галасоў супраць хатняга гвалту. Лічба 55 абрана, бо менавіта столькі чалавек загінула ад гэтай з'явы за першае паўгоддзе 2019-га году ў Беларусі. І штогод гэтая лічба толькі расце.⠀Што вы асабіста можаце зрабіць, каб выправіць сітуацыю?

  • падпісаць петыцыю;
  • напісаць актывісткам пра гатоўнасць дапамагчы з правядзеннем пікетаў;
  • рэпостнуць інфармацыю аб петыцыі або любую іншую нашу публікацыю;
  • расказаць сяброўкам і сябрам аб недапушчальнасці хатняга аб'юза.

28 снежня, Парк дружбы народаў (па. Бангалор) 12: 00-19: 00
29 снежня, Кіеўскі сквер (бул. Шаўчэнкі / вул. Кахоўская) 12: 00-19: 00
Што робім? Прыносім плакаты, абмяркоўваем праблему, расказваем рэальныя гісторыі, фатаграфуючы і заяўляем: мы супраць хатняга гвалту!
«Маршыруй, дзетка!» — ініцыятыўная група, задачай якой з'яўляецца распрацоўка і прыняцце комплекснага закона аб супрацьдзеянні хатняму гвалту ў Беларусі. Актывісткі і актывісты выступаюць за распрацоўку і прыняцце ў Рэспубліцы Беларусь эфектыўнага, універсальнага законапраекта па супрацьдзеянні хатняму гвалту.